இக்கரைக்கு
சொர்க்கத்தின் திறவுகோலுக்குப்
பலத்த போட்டி
வெளியிலிருப்பவர்களுக்கிடையே
அதேபோல்
உள்ளிருப்பவர்களுக்கிடையிலும்
நினைவுகள் 1
புகைபரப்பி
தடதடத்துச் செல்லும் ரயிலின்
சன்னலோர இருக்கையில் அமர்ந்தபடி
எதிரே தென்பட்ட
சோனார்கூட அறிய இயலாத
ஆழமான பார்வையைத் தவிர்க்க வேண்டி
வெளிப்பக்கம் திரும்ப
கழுத்தில் நீளமான கயிறு கட்டப்பட்ட
ஆட்டுக்குட்டி ஒன்று
சுதந்திரமாய்க் காய்ந்த புல்வெளியை
மேய்ந்துகொண்டிருந்தது.
அதன் மறுமுனை
எங்கோ
முளையடித்துக்கட்டப்பட்டிருக்கும்.
நினைவுகள் 2
எப்படித்தான் உறைகிறதோ
அடி வயிறு வலிக்க
இருமி இருமி
தொண்டைப் புண்ணாகக்
காறிக் காறித் துப்பியும்
முழுவதும் வெளியேறாத சளி
ஆம்
ஆளை நடைப்பிணமாக உலவவிடும்
இந்தச் சளி.
